شهوی ڕابردوو له نێوان گهریلاکانی پ.ک.ک و ئهرتهشی تورکدا، له نزیک سنووری باكوور و باشووری کوردستان شهڕ هاته ئاراوه. بهگوێرهی لێدوانی ئهرتهشی تورک تا ئهم ئێوارهیه زیاتر له 32 گهریلای کورد کوژراون بهلام هێزهکانی گهریلاش کوژراوهکانی دهوڵهت به 40 کهس ڕادهگهیهنن و زیاتر له 30 سهربازیش بهدیل گیراون.
به گوێرهی ههواڵدهریی فهڕانسه که پشتی به لێدوانێکی فهرمیی ئهرتهشی تورکیا بهستووه، له شهڕێکدا که دوێنێ نیوه شهو له ههرێمی ههکاری له نێوان گهریلاکانی پ.ک.ک و هێزه سهربازییهکانی تورکیادا هاتۆته ئاراوه و تا ئهم ئێوارهیهش بهردهوام بووه، 32 گهریلای کورد کوژراون. بهڵام سهرچاوهگهلی نزیک له هێزهکانی پاراستنی گهل به ئاژانسی فوراتیان ڕاگهیاندووه که شهڕ به تهواوی له ئینیسیاتیڤی هێزهکانی گهریلا دایه و تا ئێستاش زیاتر له 40 سهربازی تورک کوژراون و له ناویاندا ئهفسهرێک، 31 کهسیش بهدیل گیراون.
وهزیری بهرگریی تورکیا بهڵام ئهمڕۆ، دوای دیدارێکی لهگهڵ ڕابێرت گهیتسی هاوتای ئهمریکی خۆی، له لیدوانێکیدا بۆ ڕۆژنامهنووسان ڕهتی کردهوه که عهسکهری تورکیا بهدیل گیرابن. ناوبراو ههر لهو لێدوانهیدا وتیشی که بهرنامهی هێرشی دهرهوهی سنوور ههیه بهلام شتێکی ههنووکهیی و بهپهله نییه.
هاوکات ڕهجهب تهیب ئهردۆغانی سهرۆکوهزیری تورکیا ئهمڕۆ یهکشهممه ڕایگهیاند که حکوومهتهکهی ئامادهی دهستووردانه به ئهرتهش بۆ هێرشکردنه سهر هێزهکانی پ.ک.ک له دهرهوهی سنوورهکانی تورکیا.
به هیوای سه رکه وتنwww.beuran.kurdblogger.com