دوای پهسهند کرانی داواکهی حکوومهتی ئهردۆگان لهپارلمانی تورکیا، ئهمڕۆ سهرۆکی ههرێمی کوردستان داوای له خهڵکی کوردستان کرد سهنگهر بگرن.
ئهمڕۆ د. ڕزگار سندی له سهر ناوی سهرۆکایهتیی ههرێمی کوردستان مهسعوود بارزانی، لێدوانێکی دا به دهزگا ڕاگهیاندنییهکانی ههرێمی بادینان و تێیدا داوا له خهڵکی کوردستان کرا له ئهگهری هێرشی ئهرتهشی تورکدا بۆ سهر خاکی کوردستان، ئامادهی بهرخۆدان بن.
له لێدوانی سهرۆکی ههرێمدا هاتووه که تورکیا دهیهوێ ههبوونی کوردستان له مێژوودا بسڕێتهوه و وهبیری دێنێتهوه که کورد سهرهڕای قهتڵوعامهکانی سهدام حوسێن نهتوایهوه و به تورکیاش لهناو ناچێ. سهرۆکی ههرێم وێڕای ئهوه که داوا له لێپرسراوانی تورک دهکا بانگهوازهکانی ئاشتی و دیالۆگ بهرچاو بگرن، دهستنیشانی دهکا که ههموو خهڵکی کوردستان له دژی داگیرکاریی دهوڵهتی تورک ڕادهوهستێ.
د. ڕزگر سندی لهو لێدوانهی خۆیدا ههروهها باسی له کۆبوونهوهی سهرکردایهتیی پارتی دێموکراتی کوردستان کرد و وتی: لهم ڕیگایهوه وردهکارییهکانی ئهو کۆبوونهوهیهی که به سهرۆکایهتیی سهرۆک بارزانی پێکمان هێنا، به خهڵکی خۆمان ڕادهگهیهنین. ناوبراو لهو بوارهوه ڕایگهیاند: ههرچهند شیمانه ناکرێت ئهرتهشی تورک ئۆپهراسیۆنی دهرهوهی سنوور پێک بێنێت، بهڵام سهرهکیترین ئامانجی تورکیا له هێرشیکی وا خهڵکی کوده که بۆته خاوهن دهستهڵات، پارلمان و حکوومهتی خۆی. وتیشی: تورکیا حکوومهتی حقووقیی ههرێم وهک ههڕهشهیهک بۆ سهر خۆی چاو لێدهکا. تهنیا دهوڵهتی تورک نا، بهڵکوو زۆرێک له دهوڵهته عهرهبهکانی ههرێمهکهش ههر بهو جۆره چاو له حکوومهتی ههرێم دهکهن.
ناوبراو لهو لێدوانهی خۆیدا وێرای ئاماژه بهوه که خهڵکی کورد خوازیارن به ئاشتی و ئارامی لهگهڵ وڵاتانی جیرانیدا بژین وتی: خهڵکی کوردستان له بستێکی خاکی وڵاتهکهی دهست ههڵناگرێ. وهک چۆن له ڕابردوودا کردوومانه، ئێستاش ئاماهین بۆ پاراستنی ئهم خاکه تا دوایین دڵۆپی خوێنمان بهرگری بکهین.
ناوبراو له درێژهی لیدوانهکهیدا ههروهها ههموو خهڵکی کوردستانی بانگهێشتی تێکۆشانێکی ههمهلایهنه کرد و ئهمهشی به مافی بهرگری کردنی نهتهوهیی بهناو کرد. ناوبراو جهختیشی کردهوه که دهوڵهتی تورک دهبێ لهم ڕاستییه باش تێبگا که خهڵکی کورد مافی پاراستنی خۆی بهکار دێنێ. ناوبراو ئهرتهشی تورکیای دڵنیا کردهوه که خهڵکی کورد ئامادهیی ههیه بهساڵان شهڕی پاراستن بهڕیوه بهرێت.
سندی وهبیری هێنایهوه که نوێنهری ئهمریکا له بهغداد، له دوانزهی ئهم مانگهدا له ڕێگای تهلهۆنهوه به سهرۆکی ههرێمی ڕاگهیاندووه که ئهمریکا به هیچ شێوهیهک ڕێگه نادات ئهرتهشی تورک سنوور ببهزێنێ.
سندی لهکۆتایی لێدوانهکهیدا جارێکی دیکهش جهختی کردهوه که کێشهکان له ڕێگای توندوتیژییهوه چارهسهر ناکرێن و داواشی کرد تورکا گوێ له بانگهوازی ئاشتیی خهڵکی کورد بگرێت.
له لایهکی دیکهوه بهپێی ههواڵی ئاژانسی رۆیتهر، گێف موریلی سكرتێری رۆژنامهوانی له وهزارهتی بهرگری ئهمهریكا وتی پێموانییه هیچ ئامادهباشیهك ههبێت تا له رێگای ئۆپراسیۆنهكی سهربازی چارهسهری كێشهكان بكرێت، توركهكان توڕهییان پێوه دیاره بهڵام ئهنجامدانی ئۆپهراسیۆنی سهربازی به دوور دهزانم، چونكه كارهساتی گهورهی نهك بۆ ئهمهریكا بهڵكو بۆ توركهكانیش لێدهكهوێتهوه. وتیشی: ههرێمی كوردستان دهتوانێت به دانوستان لهگهڵ ئهنقهره و بهغدا چارهسهری كێشه و گرفتهكانی سنووری توركیا – عێراق بكات، ئێمهش لهلایهن خۆمانهوه داوا له حكومهتی ههرێمی كوردستان دهكهین كه به هیوای ئهوهین بتوانن كاریگهریان ههبێت له وهستاندنی چالاكییهكانی پهكهكه لهناو خاكی توركیا.
ههر لهم پهیوهندییهدا ئهمڕۆ به سهدان هاولاَتیی كوردستان، له شاری ههولێری پایتهختی ههرێمی كوردستان، بهمهبهستی پڕۆتستۆكردنی بریاری پارلهمانی توركیا بۆ لهشكركێشی ناو خاكی ههرێم، رژانه سهر شهقامهكان.
به گوێرهی ههواڵێکی بنکهی ئینتهرنێتیی سبهی رێپێوانهكه كه لهلایهن رێكخراوهكانی كۆمهڵگهی مهدهنیهوه سهرپهرشتی دهكرا له فولكهی عهینكاوهوه بۆ بهردهم بارهگای یوئێن بهرێكهوتن و تێیدا بهسهدان لافیتهو پۆستهر بهدهست خۆپیشاندهرانهوه دهبینران، دهستدرێژی توركیایان بۆسهر خاكی ههرێمی كوردستان مهحكوم دهكرد.
لە ڕێنێسانس نیوز؛ۆه ر گیراۆە ئەم هە ۆالە