دوای ئهوهی حکوومهتی تورکیا لیستهیهکی لهمهڕ مهرجهکانی خۆی بۆ هێرشنهکردنه سهر باشووری کوردستان ڕادهستی ئهمریکا کرد، ڕاوێژکارێکی سهرۆکی پارلمانی کوردستان مهرجهکانی ڕهتکردهوه و تهئکیدیشی کردهوه که به تایبهت مهرجی ڕادهستکردنی بهرپرسانی باشووری کوردستان به تورکیا بههیچ جۆرێک پهسهند ناکرێت.
ڕۆژی ڕابردوو ئاژانسهكانی ههواڵ بڵاویان كردبۆوه که بهمهبهستی بهشداركردنی ئهمریكا له چارهسهكردنی كێشهی پ.ک.ک دا، حكومهتی توركیا لیستێكی داواكاریی حهوت خاڵی تهسلیم به بریكاری وهزیری بهرگری و یاریدهدهری وهزیری دهرهوهی ئهمریكا كردووه. بهگوێرهی ئاژانسهکانی ههواڵ لهو لیستهیهدا داواكراوه بهپرسانی پ.ک.ک و چهند كهسایهتیهكی سیاسیی ههرێمی كوردستان كه هاوكاری پ.ک.ک دهكهن، تهسلیم به حكوومهتی توركیا بكرێن.
لهو لیستهیهدا ههروهها داوا کراوه ئهو حیساب بانكیانهی كه بۆ هاوكاریكردنی ئهو پارته بهكار دههێنرێن، بلۆک بکرێن.به گوێرهی ئاژانسه ههواڵییهکان خاڵهكانی ناو ئهو لیستهیه بریتین له ناو و شوێنی ئهو لێپرسراوانهی پ.ک.ک كه له ههرێمی كوردستانن و لیستهکه ههروهها نهخشهی شوێنی بنكه سهربازییهكانی ئهو پارتهشی له چیای قهندیل و دیکهی شوێنهکانی باشووری کوردستان و ئێڕاق تێدایه و ناوی ئهو كهسایهتییه سیاسییه كوردییانهی ههرێمی كوردستانیشی تێدایه كه هاوكاریی پ.ک.ک دهكهن.
له لیستهکهی تورکیادا که ڕادهستی بهرپرسه ئهمریکییهکان کراوه ههروهها ناوی ئهو كۆمپانیایانهشی تێدایه كه له ههرێمی كوردستانن و هاوكاریی دارایی پهكهكه دهكهن.
به گوێرهی ئاژانسهکانی ههواڵ تورکیا لیستهیهکیشی به ههمان ناوهرۆک ڕادهستی دهستهڵاتی باشوور کردووه. بهڵام ئهمه له لایهن حکوومهتی ههرێمهوه پشتڕاست نهکراوهتهوه بهڵام له لێدوانی چهند بهرپرسێکی کوردیدا مهرجهکانی تورکیا به ناڕهوا دهزانرێن و پهسهند ناکرێن.
لهو بوارهوه جێگری سهرۆکی پارلمانی کوردستان بۆ کاروباری ڕاگهیاندن تارق جهوههر له لێدوانێکدا بۆ ههواڵدهریی ئهسوات ئهلعراق وتی که ئێمه بههیچ شیوهیهک ئهم مهرجانه پهسهند ناکهین، به تایبهت ئهوانهی داوای ڕادهستکردنی ڕێبهرانی باشووری کوردستان به تورکیا دهکهن.
له لایهکی دیکهوه جهماڵ عهبدوڵای وتهبێژی حکوومهتی ههرێمی کوردستان له لێدوانێکیدا بۆ ڕادیۆ نهوا وێرای ڕهتکردنهوهی داواکانی تورکیا، ئاماژهشیبهوهدا که تورکیا با ڕاستهوخۆ لهگهڵ حکوومهتی ههرێمدا دانوستان بکات.
تا ئێستا ناوی ئهو بهرپرسانهی باشوور که دهخوازرێ ڕادستی تورکیا بکرێن، نهزانراوه